«И тако совещавше, снидошася на Москву…» — Первое упоминание о Москве в Патриаршей (Никоновской) летописи 1147 г. по по рукописи, предположительно составлявшейся в Троице-Сергиевом монастыре с середины XIV в.
«В лето 6655. Князь велики Юрьи Суждалский, сын Владимера Маномаха, внук Всеволож, правнук Ярославль, праправнук великого Владимера, собра воинства, и шед взя град Новый Торг, и по Mcте реце многие власти повоева; а князю Святославу Олговичю, внуку Святославлю, правнуку Ярославлю, праправнуку великого Владимера, повели Смоленска власти воевати; он же шед взя град Голеди, и прочая власти повоева, и возвратися в Резань. И посла к нему князь велики Юрьи Суждалский, глаголя сице: «како бы ся нам видети с тобою, и в любви и в единстве житие о Христе скончати, и от врагов своих стрещися за един, и друг за друга голова положити». И тако совещавше, снидошася на Москву князь велики Юрьи из Суждаля, а князь велики Святослав Олговичь с Резани из Тешилова с сыном своим Олгом и со князем Володимером Святославичем, и целовавшеся любовию о Христе, и много плакавше о бедах, и о напастех бывших на них, и паки утешистася, и любовию чествовавшеся, и одарившеся дары любезными, и разыдошася…»
