14 марта (1 марта по юлианскому календарю) – праздник св. преподобномученицы Евдокии Илиопольской
День мученической кончины Императора Александра II Освободителя, злодейски убитого террористами-революционерами (1 марта 1881)
День православной книги, приуроченный к выходу в свет первой известной русской печатной книги – «Апостола» Ивана Федорова и Петра Мстиславца (1 марта 1564). Празднуется с 2010 года.
Тропарь, глас 8:
Пра́востию у́мною ду́шу твою́ привяза́вши в любо́вь Христо́ву,/ тле́нных, и кра́сных, и вре́менных забы́тием претекла́ еси́,/ я́ко Сло́ва учени́ца:/ поще́нием стра́сти пе́рвее умертви́вши,/ страда́льчески второ́е врага́ посрами́ла еси́./ Тем Христо́с сугу́бых венца́ сподо́би тя,/ сла́вная Евдоки́е, преподо́бная страстоте́рпице,// моли́ Христа́ Бо́га спасти́ся душа́м на́шим.
Кондак, глас 4
Во страда́нии твое́м до́бре подвиза́вшися,/ и по сме́рти нас освяща́еши чуде́с изли́янии, всехва́льная,/ ве́рою прибега́ющия в Боже́ственную це́рковь твою́,/ и торжеству́юще, мо́лим тя, преподо́бная му́ченице Евдоки́е:// да изба́вимся неду́г душе́вных и чуде́с благода́ть почерпе́м.
Молитва преподобномученице Евдокии Илиопольской
О, свята́я уго́днице Бо́жия, преподобному́ченице Евдоки́е! По́двигом до́брым подвиза́вшися на земли́, восприя́ла еси́ на Небесе́х вене́ц пра́вды, его́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.
***
Св. Евдокия
https://azbyka.ru/…/polnyj-godichnyj-krug-kratkikh…/10_1
***
Во блаженном успении вечный покой подаждь, Господи, рабу Твоему убиенному Благочестивейшему Благоверному Государю Императору Александру Николаевичу и сотвори ему вечную память.
***
Во блаженном успении вечный покой подаждь, Господи, рабом Твоим диакону Иоанну и Петру, и сотвори им вечную память.
